پی ایس ایل کے سیمی فائنل اور فائنل ملتوی ، کس غیر ملکی کھلاڑی میں کو رونا کی علامات تھیں اور کہاں ہے ؟ رمیز راجہ نے انکشاف کر دیا

پاکستان کرکٹ بورڈ نے کورونا وائرس کے خدشات کے پیش نظر پی ایس ایل کے سیمی فائنل اور فائنل میچز کو ملتوی کرنے کا اعلان کر دیاہے جبکہ کمنٹیٹر رمیز راجہ نے غیر ملکی کھلاڑی کے حوالے سے بڑا انکشاف بھی کر دیاہے ۔

پاکستان کرکٹ بورڈ نے کرونا وائرس کے پیش نظر سیمی فائنل اور فائنل منسوخ کر دیئے ہیں تاہم پی سی بی کے سی ای او وسیم خان نے بھی تصدیق کر دی ہے کہ ایک غیر ملکی کھلاڑی میں کورونا وائرس کی علامات تھیں جو کہ وطن واپس جا چکا ہے۔ وسیم خان نے کہا کہ تمام کھلاڑیوں کو واپس جانے کا آپشن دیا تھا ، رمیز راجہ نے بھانڈہ پھوڑ دیا، رمیز راجہ نے میچز کو منسوخ کرنے فیصلے کو سراہتے ہوئے کہا کہ ” اچھی بات ہے کہ محتاط انداز سے فیصلہ کیا گیاہے ، خبر یں تھیں کہ ایلیکس ہیلز کو کورونا وائرس کی علامات تھیں ، ان کا ٹیسٹ ہو رہاہے جبکہ ہمارے تمام براڈ کاسٹرز کے بھی دوگھنٹے کے بعد ٹیسٹ ہونے ہیں ۔ یہ امر قابل ذکر ہے کہ ایلیکس ہیلز کراچی کنگز کے اوپننگ بیٹسمین تھے جو کہ وطن واپس جا چکے ہیں جہاں و ہ اس وقت آئی سو لیشن میں ہیں اور ان کے ٹیسٹ کے ساتھ علاج کیا جا رہاہے ۔